عمرك سمعت واحد و هو بيكلم خطيبته ؟ تعالي و شوف هما بيقولوا ايه

خطيب و خطيبته بيحبو بعض اوى اوى اوى

الخطيب : بحبك ( يا بااااااى )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكى ( يارب تغورى من وشى )

الخطيبة : يا حبيبى وانا كمان ما بطلتش تفكير فيك ( الهى اصبح الصبح الاقيك متنيل بعيد عنى )

الخطيب : امال فين حماتى مش شايفها يعنى ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتى وانا اقدر استغنى ( يارب تتكعبل في السجاده وهى جايه )

الخطيبة : ماما تعالى كلمى ( على الله تقولك حاجه ترفع لك الضغط )

الخطيب : اهلا يا حماتي ازيك ( الهى ما تكونى بخير )

الحماة : اهلا يا خطيب بنتى ( بلا نيله )

الخطيب : عندى ليكو خبر حلو انا لقيت شقه ( الهى ما توعوا انتي وبنتك تشوفوها )

الحماة : الف مبروك يا حبيبى ( ياما جاب الغراب لامه )

الخطيب : حنروح نشوفها بكره ايه رايك يا حبيبتى ( علي الله تتكعوري عالسلم وانتى طالعه )

الخطيبة : وماله طبعا لازم نشوفها ( اكيد قد الحق وفى منطقه معفنه )

الخطيب : على فكره يا حماتى ( جتك حمه )

الحماة : ايه يا خطيب بنتى ( خطيب الشؤم والندامه )

الخطيب : انا كنت عاوز اقابل عمى علشان كتب الكتاب ( عمى قال عمى قال ده انتى اللى عمى )

الحماة : وماله يابنى بس مش لسه بدرى ( جتك نيله مستعجل علي ايه )

الخطيب : ما هو خلاص يا حماتى احنا قربنا ( يا ريت ترفض علشان افركش ام الجوازه دي )

الحماة : طيب يابنى لما يجى عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتى انا حامشى دلوقتى ( افففففف انا اتخنقت من الوليه دى )

الحماة : ماهو لسه بدرى ( في ستين داهيه )

الخطيب : باى يا حبيبتى ( حبك برص )

الخطيبة : مع السلامه يا حبيبى ( البلد اللي تودي )

الخطيب : كلمينى فى التليفون ( يا رب يقطعوا الحراره )

الخطيبة : اكيد يا حبيبى ( غور بقى )




مع تحياتى